ఒక్కడై రావడం, ఒక్కడై పోవడం… నడుమ ఈ నాటకం, విధి లీలా
వెంట ఏ బంధమూ రక్తసంబంధము… తోడుగా రాదుగా తుదివేళా…
మరణమనేది ఖాయమనీ… మిగిలెను కీర్తి ఖాయమనీ
నీ బరువూ… నీ పరువూ మోసేదీ ఈ ఈ ఈ…..
ఆ నలుగురూ ఆ నలుగురూ… ఆ నలుగురూ ఆ నలుగురూ
రాజనీ పేదనీ మంచనీ చెడ్డనీ… భేదమే ఎరుగదీ యమపాశం
కోట్ల ఐశ్వర్యము కటిక దారిద్ర్యము… హద్దులే చెరిపెలే మరుభూమి
మూటలలోని మూలధనం… చెయ్యదు నేడు సహగమనం
మనవెంటా కడకంటా నడిచేదీ…
ఆ నలుగురూ ఆ నలుగురూ… ఆ నలుగురూ ఆ నలుగురూ
నలుగురూ మెచ్చినా… నలుగురూ తిట్టినా
విలువలే శిలువగా మోశావు…
అందరూ సుఖపడే… సంఘమే కోరుతూ
మందిలో మార్గమే వేశావు…
నలుగురు నేడు పదుగురిగా… పదుగురు వేలు వందలుగా
నీ వెనకే అనుచరులై నడిచారూ……
ఆ నలుగురూ ఆ నలుగురూ… ఆ నలుగురూ ఆ నలుగురూ
పోయిరా నేస్తమా… పోయిరా ప్రియతమా
నీవు మా గుండెలో నిలిచావూ
ఆత్మయే నిత్యమూ… జీవితం సత్యమూ
చేతలే నిలుచురా చిరకాలం…
బతికిననాడు బాసటగా… పోయిననాడు ఊరటగా
అభిమానం అనురాగం చాటేదీ…….
ఆ నలుగురూ ఆ నలుగురూ… ఆ నలుగురూ ఆ నలుగురూ
ప్రతిరోజు అద్బుతమైన తెలుగు కంటెంట్ కోసం ఇప్పుడే ఈ గ్రూప్స్ లో జాయిన్ అవ్వండి.