Motivational Telugu Stories – ప్రశాంతంగా ఉన్న మనసు అలసిన మనసు కన్నా చురుగ్గా పనిచేస్తుంది

Motivational Telugu Stories

ఒక రైతు ధాన్యం కొట్టులో తన చేతి గడియారాన్ని పోగొట్టుకున్నాడు. అదంటే రైతుకు ప్రాణం. దాని కోసం గోడౌన్ మొత్తం వెదికాడు, దొరకలేదు. ఆశ ఒదులుకొనే సమయంలో అక్కడ దగ్గరలో ఆడుకుంటున్న పిల్లలు కనిపించారు. వాళ్ళను పిలిచి గడియారం వెదికి ఇస్తే మంచి బహుమతి ఇస్తానని చెప్పాడు.

పిల్లలు ధాన్యం కొట్టు మొత్తం వెదికారు. కానీ వాళ్ళకు కూడా దొరకలేదు. నిరాశగా కూర్చుని ఉన్న రైతు దగ్గరికి ఒక పిల్లవాడు వచ్చి గడియారాన్ని వెతికి పెడతానన్నాడు. నిజాయితీగా కనిపిస్తున్న పిల్లవాడిని చూసి సరే అన్నాడు. వాడు లోపలికి పోయి గడియారాన్ని వెదికి తీసుకొచ్చాడు. రైతు ఆశ్చర్యంగా చూసి

ఇంత మంది వెదికినా దొరకనిది నీకెట్లా దొరికింది అని అడిగాడు. “నేనేం చేయలేదు, నిశ్శబ్దంగా ఉన్న ఈ కొట్టులో ప్రశాంతంగా పడుకొని చెవులు రిక్కించి విన్నాను. చిన్నగా టిక్ టిక్ మని వినబడ్డ వైపుకు పోతే అక్కడ కనబడింది. అంతే” అన్నాడు.

ప్రశాంతంగా ఉన్న మనసు అలసిన మనసు కన్నా చురుగ్గా పనిచేస్తుంది. కొన్ని నిముషాలు ప్రతిరోజూ ప్రశాంతంగా ఉండే ప్రయత్నం చెయ్యండి. ఆ ప్రశాంతత మీరు కోరుకున్న విధంగా మిమ్మల్ని మీరు మలచుకోవడానికి ఉపయోగ పడుతుంది.

సేకరణ – V V S Prasad

ఈ పోస్ట్ మీకు నచ్చినట్లైతే తప్పకుండా షేర్ చెయ్యండి, ఇలాంటి మరిన్ని పోస్టుల కోసం సోషల్ నెట్వర్క్ లో ఫాలో అవ్వండి – @TeluguBucket

Telugu Stories, Telugu Moral Stories, Telugu Stories for Children, Telugu Stories for Kids, Telugu Bucket, New Telugu Stories, Best Telugu Stories, Great Stories in Telugu. Telugu Real Stories, Best Stories in Telugu, Intelligent Telugu Stories, Telugu Kadhalu, Telugu Stories PDF, Telugu Stories Books, నీతి కథలు, ప్రేమ కథలు, తెలుగు కథలు, తెలుగు స్టోరీస్, పిల్లల కథలు, Inspiring Telugu Stories, Motivational Telugu Stories