జీవితాన్ని మార్చే మహావీర్ సిద్ధాంతాలు – సంతోషానికి 5 సూత్రాలు – Teachings of Lord Mahavira – Mahavir Jayanti
ప్రతీ ప్రాణికి సమానమైన హక్కు ఉంది. మనుషులే కాదు, జంతువులు, చెట్లు, మొక్కలు అన్నిటినీ రక్షించాలనే తత్వాన్ని మహావీర్ ప్రబోధించారు.
- మహావీర్ జయంతి అనేది జైన మతస్థులు అత్యంత భక్తిశ్రద్ధలతో జరుపుకునే ముఖ్యమైన పండుగ.
- ప్రతి సంవత్సరం చైత్ర మాసంలోని శుక్ల పక్షంలో 13వ రోజున (త్రయోదశి) మహావీర్ జయంతిని జరుపుతారు.
- భగవాన్ మహావీర్ క్రీ.పూ. 599లో బీహార్ రాష్ట్రంలోని వైశాలి దగ్గర ఉన్న “కుండల్‌గ్రామ్” అనే గ్రామంలో జన్మించారు.
- ఆయన అసలు పేరు “వర్ధమాన”.
- ఆయన 30 సంవత్సరాల వయసులో సంసార జీవితాన్ని విడిచి సాధువు మారారు.
- 12 సంవత్సరాల పాటు తీవ్రమైన తపస్సు చేసి జ్ఞానాన్ని పొందారు.
- మహావీర్ జయంతి సందేశం ఏమిటంటే: అన్ని జీవుల పట్ల ప్రేమ, కరుణ, సహనం, మరియు శాంతిని ప్రదర్శించాలి.
- మహావీర్ జయంతి ని ఈ రోజు దేశవ్యాప్తంగా, ముఖ్యంగా గుజరాత్, రాజస్థాన్, మహారాష్ట్ర, బీహార్ రాష్ట్రాల్లో చాలా ఘనంగా జరుపుకుంటారు.
మహావీర్ ముఖ్య బోదనలు:
ఆయన చెప్పిన “త్రిరత్నాలు” (మూడు ముఖ్య సిద్ధాంతాలు) చాలా ప్రాముఖ్యత కలిగివి. అవి:
- సమ్యక్ దర్శన – సరైన దృష్టికోణంతో జీవించడం, సక్రమ ఆలోచన కలిగి ఉండటం.
- సమ్యక్ జ్ఞానం – సరైన జ్ఞానాన్ని సంపాదించి, సత్యాన్ని తెలుసుకోవడం.
- సమ్యక్ చరిత్ర – సరైన నడవడిక, మంచి ఆచరణ కలిగి ఉండటం.
ఆయన చెప్పిన పంచ మహావ్రతాలు ఎంతో ముఖ్యమైనవి:
- అహింస: ఏ ప్రాణిని హింసించకపోవడం.
- సత్యం: ఎప్పుడు నిజమే మాట్లాడాలి.
- అస్తేయం: ఇతరుల వస్తువులను తీసుకోకపోవడం.
- బ్రహ్మచర్యం: భోగాలలో మితంగా ఉండడం, ఇంద్రియాలను అదుపులో ఉంచడం.
- అపరిగ్రహ: అవసరం లేకుండా ఎక్కువ వస్తువులను సేకరించకపోవడం.
“జీవో జీవస్య జీవనం” (ఒక జీవి మరొక జీవి మీద ఆధారపడి బతుకుతుంది) అనే భావన ఉండొచ్చు కానీ, అవసరానికి మించిన హింస చేయడం, క్రూరత్వం చూపించడం పూర్తిగా తప్పని ఆయన స్పష్టం చేశారు.
మహావీర్ చెప్పిన కర్మ సిద్ధాంతం కూడా చాలా ముఖ్యమైనది. “మనకు ఎదురయ్యే పరిస్థితులు, సంతోషాలు, బాధలు అన్నీ మనం గతంలో చేసిన పనుల (కర్మ) ఫలితమే” అని ఆయన వివరించారు.
- ఆయన చెప్పిన “సాధారణ జీవితంలో కూడా మన ఆలోచనలు, మాటలు, చర్యలు స్వచ్ఛంగా ఉండాలి” అనే సందేశం ఎంతో ముఖ్యమైనది.
- జైన మతం మాత్రమే కాదు, మహాత్మా గాంధీ వంటి ఇతర మహానుభావులు కూడా మహావీర్ బోధనల నుంచి ప్రేరణ పొంది అహింసా మార్గాన్ని ఎన్నుకున్నారు.
- భగవాన్ మహావీర్ బోధనల్లో ముక్తి (మోక్షం) కూడా చాలా ముఖ్యమైనది. ఆయన ప్రకారం, మనిషి తన అజ్ఞానం, కోరికలు, ద్వేషం, అహంకారం వంటి బంధనాల నుంచి బయటపడితేనే ముక్తిని పొందగలడు.
- అందుకే మహావీర్ బోధనలు సంతోషకరమైన జీవితం, మానసిక ప్రశాంతత, జీవుల పట్ల ప్రేమ, సమాజంలో సౌమనస్యాన్ని పెంపొందించడానికి ఉపయోగపడతాయి.
- ఈ మహావీర్ జయంతి రోజున, ఆయన బోధనల నుంచి స్ఫూర్తి పొంది మనమూ సమాజంలో శాంతిని, ప్రేమను విస్తరించడానికి ప్రయత్నిద్దాం.
మీ జీవితాన్ని మార్చే పుస్తకం – “ది పవర్ ఆఫ్ నౌ” – The Power of Now – Book Recommendations