Inspiring Stories in Telugu
ఛీ!చచ్చిపోతే బాగుండు, నాలాంటి ప్రాబ్లమ్స్
ఎవ్వరికీ ఉండవు. అర్థంచేసుకొనేవారు కూడా ఎవరూ
లేరు. చనిపోవడం బెటర్ అని ఆలోచిస్తూ.. ..
చాలా ఏళ్లగా తీవ్రమైన సమస్యలతో సతమతమౌతున్న ఒక యువకుడు విసిగి వేసారి, అన్ని విడిచిపెట్టేయాలని నిర్ణయించుకున్నాడు…!!!
అన్నీ అంటే…???
ఉద్యోగం, తనని నమ్మిన కుటుంబాన్నే కాకా
తాను నమ్మిన దైవాన్ని, చివరికి దైవమిచ్చిన
జీవితాన్ని కూడా విడిచిపెట్టేయాలని
నిర్ణయించుకున్నాడు.
చివరిగా ఒక్కసారి దేవునితో మాట్లాడాలని
ఏకాంతంగా ఉన్న ఒక ప్రాంతంలో దేవునితో
ఇలా మాట్లాడతాడు.
“దేవుడా ! నేను ఇవన్నీ విడిచిపెట్టకుండా
ఉండడానికి కారణం ఒక్కటి చెప్పగలవా” అని
అడుగుతాడు.
దానికి దేవుడు వాత్సల్యంగా “నాయనా !
ఒక్కసారి నీ చుట్టూ చూడు ఎత్తుగా
అందంగా ఎదిగిన గడ్డి.., వెదురు మొక్కలు
కనిపిస్తున్నాయా?”
“అవును… కనిపిస్తున్నాయి.”
“నేను.. ఆ గడ్డి విత్తనాలు, వెదురు విత్తనాలు నాటినప్పుడు అవి మొలకెత్తడానికి కావలసిన అన్ని జాగ్రత్తలు తీసుకున్నాను. గాలి, నీరు సూర్యరశ్మి అన్ని
అవసరమైనవి అన్నీ అందించాను.”
గడ్డి వెంటనే మొలకెత్తింది.
భూమి పై పచ్చని తివాచి పరచినట్టుగా
కానీ వెదురు మొలకెత్తనే లేదు.
కానీ నేను వెదురును విడిచిపెట్టనూలేదు,
విస్మరించనూలేదు.
ఒక సంవత్సరం గడిచింది,
గడ్డి మరింత ఎత్తుగా ఒత్తుగా పెరిగింది
అందంగా ఆహ్లాదంగా
కానీ వెదురు చిన్న మొలక కూడా
మొలకెత్తలేదు.
రెండు,
మూడు,
నాలుగు సంవత్సరాలు గడిచాయి.
వెదురు మొలకెత్తలేదు.
కానీ నేను అప్పటికి వెదురును
విస్మరించలేదు.
ఐదవ సంవత్సరం వెదురు చిన్న మొలక
భూమిపై మొలకెత్తింది.
గడ్డి కన్నా ఇది చాల చిన్నది
కానీ ఒక్క ఆరు నెలలలో అది వంద అడుగుల
ఎత్తు ఎదిగింది. అందంగా.. బలంగా..
ఐదు సంవత్సరాలు అది తన వేళ్ళను భూమి
లోపల పెంచుకుంది, బలపరచుకుంది.
పైకి ఎదిగిన వెదురును నిలబెట్టగల బలం
వేళ్ళు ముందు సంపాదించాయి.
ఆ బలం వాటికి లేకపోతె వెదురుమనలేదు
(నిలబడలేదు).
నా సృష్టిలో దేనికీ కూడా అది ఎదుర్కోలేని
సమస్యను నేనివ్వను.
ఇన్నాళ్లూ నువ్వు పడుతున్న
కష్టాలన్నీ, ఎదుర్కుంటున్న సమస్యలన్నీ నీ
వేళ్ళను (మానసిక స్థైర్యాన్ని బలపరుస్తూ
వచ్చాయి.
వెదురు మొక్కను విస్మరించలేదు.
నిన్ను కూడా విస్మరించను.
ఒకటి, నిన్ను నువ్వు ఇతరులతో
ఎన్నటికీ పోల్చుకోకు.
రెండూ, అడవిని అందంగా మలచినప్పటికీ
గడ్డి లక్ష్యం వేరు.
వెదురు లక్ష్యం వేరు.
నీ సమయం వచ్చినప్పుడు
నువ్వూ ఎదుగుతావు…!!!
“ప్రభు…! మరి నేను ఎంత ఎదుగుతాను??”
“వెదురు ఎంత ఎదిగింది?”
‘అది ఎంత ఎదగగలదో అంత ఎదిగింది.”
“నువ్వు ఎంత ఎదగాలని నేను అనుకుంటానో
అంత ఎదుగుతావు”
దేవుడు ఎప్పు డూ..
విస్మరించడు. విడిచిపెట్టడు.
మనం కూడా దేవుడు పై విశ్వాసాన్ని, మన ప్రయత్నాన్నీ ఎన్నటికీ విడిచిపెట్టకూడదు.
ఆయన మన చేయి విడువక మంచి
స్నేహితునిగా మనలను అర్థం చేసుకుంటాడు.
ధైర్యంగా ఉండండి..ప్రార్థించండి..
తప్పక దేవుని సహాయాన్ని పొందుకుంటారు.