అందాల అపరంజి బొమ్మా… అమ్మ లేదంటూ బెంగ పడకమ్మ
కడుపార నినుగన్న అమ్మ… చూడలేదమ్మ నీకంట చెమ్మ
కనుమరుగునున్న నిను మరువదమ్మ… కన్నీరు తుడిచే కబురంపెనమ్మా
చెబుతాను వినవమ్మా…
అందాల అపరంజి బొమ్మా…
అమ్మ లేదంటూ బెంగ పడకమ్మా…
ఆకలందంటే ఆ చిన్ని బొజ్జ… అడగకుండానే తెలుసుకోమంది
ఆటాడుకోగా తోడెవ్వరంటే… అంబారి గట్టి ఆడించమంది…
నీకేం కావాలన్నా… నాకు చెపుతూ ఉంటానంది… ఆ
తానేలోకానున్న… నిన్ను చూస్తూ ఉంటానంది…
కాపాడుకుంటా కనుపాప లాగా… నిను చూసుకుంటా మీ అమ్మలాగా
నమ్మమ్మ నా మాట…
అందాల అపరంజి బొమ్మా…
అమ్మ లేదంటూ బెంగ పడకమ్మా…
మావయ్యనంటూ నిన్ను చేరమంది… మంచి మాటలతో మరిపించమంది
కథలెన్నో చెప్పి నవ్వించమంది… ఒడిలోన చేర్చి ఓదార్చమంది…
జో జో పాపా అంటూ… తాను రోజు పాడే లాలీ…
ఇట్టా పాడాలంటూ… నాకు తానే నేర్పింది తల్లి..
మా పాపనెపుడూ కాపాడమంటూ…
దేవుణ్ణి అడిగి దీవెనలు తెచ్చే… పని మీద వెళ్ళింది…
అందాల అపరంజి బొమ్మా… అమ్మ లేదంటూ బెంగ పడకమ్మ
కడుపార నినుగన్న అమ్మ… చూడలేదమ్మ నీకంటి చెమ్మ
కనుమరుగునున్న నిను మరువదమ్మ… కన్నీరు తుడిచే కబురంపెనమ్మా
చెబుతాను వినవమ్మా…
అందాల అపరంజి బొమ్మా…
అమ్మ లేదంటూ బెంగ పడకమ్మా…
ప్రతిరోజు అద్బుతమైన తెలుగు కంటెంట్ కోసం ఇప్పుడే ఈ గ్రూప్స్ లో జాయిన్ అవ్వండి.