మంత్రగత్తెల కథతో – ఓటీటీనిషేక్ చేస్తోన్న లేటెస్ట్ క్రైమ్ థ్రిల్లర్ – టాప్ ట్రెండింగ్‌లో దూసుకుపోతోంది
ప్రస్తుతం ఓటీటీ ప్లాట్‌ఫామ్‌లు వీక్షకులకు వినోదాన్ని పంచడంలో ముందున్నాయి. ప్రతి వారం కొత్త సినిమాలు, వెబ్ సిరీస్‌లతో సందడి చేస్తున్నాయి. అయితే, గత వారాంతం విడుదలైన ఒక సిరీస్ మాత్రం ఓటీటీ ప్రేక్షకులను విశేషంగా ఆకట్టుకుని, ప్రస్తుతం టాప్ ట్రెండింగ్‌లో దూసుకుపోతోంది.
కథేంటి? ఎందుకు ఇంత సంచలనం?
జులై 25న నెట్‌ఫ్లిక్స్‌లో స్ట్రీమింగ్‌కు వచ్చిన ఈ వెబ్ సిరీస్ మొత్తం ఎనిమిది ఎపిసోడ్‌లతో ప్రేక్షకులను కట్టిపడేస్తోంది. ప్రతి ఎపిసోడ్ ఉత్కంఠగా సాగుతూ, సస్పెన్స్, క్రైమ్, హారర్, ఇన్వెస్టిగేషన్ వంటి అంశాలను అద్భుతంగా మిళితం చేసింది. మరి ఈ సిరీస్ కథా నేపథ్యం ఏంటంటే:
1952లో ఉత్తరప్రదేశ్‌లోని చరణ్ దాస్‌పూర్ అనే పట్టణంలో కథ మొదలవుతుంది. అడవికి దగ్గరలో నివసించే ఓ మంత్రగత్తె, తమ కోరికలు తీరాలంటే బొటనవేలు సమర్పించమని గ్రామస్థులను నమ్మిస్తుంది. ఆమె మాటలు నమ్మి చాలామంది గ్రామస్థులు బొటనవేళ్లు సమర్పిస్తుంటారు. అయితే, ఈ విషయం తెలుసుకున్న కొందరు కలిసికట్టుగా ఆమెను అడవి నుంచి తరిమేస్తారు.
మిస్సింగ్ కేసు.. వరుస హత్యలు.. అసలు కారణం ఏంటి?
ఇదే సమయంలో, ఆ ఊరి నుంచి ఢిల్లీ వెళ్లి పోలీస్ ఆఫీసర్ అయిన విక్రమ్, కొన్ని కారణాల వల్ల సస్పెండ్ అయ్యి తిరిగి తన స్వగ్రామానికి వస్తాడు. అక్కడ తన తల్లి, తమ్ముడు, పిన్ని అదృశ్యమయ్యారని తెలుసుకుని వారిని వెతకడం ప్రారంభిస్తాడు. ఈ కేసును దర్యాప్తు చేయడానికి రాష్ట్రానికి ఓ మహిళా CID అధికారిని నియమిస్తారు.
కానీ, అసలు ట్విస్ట్ ఇక్కడే మొదలవుతుంది! విక్రమ్ తన కుటుంబ సభ్యుల కోసం వెతుకుతుండగానే గ్రామంలో వరుస హత్యలు జరుగుతాయి. మృతదేహాలపై వింత సింబల్స్ కనిపిస్తాయి. మరి ఈ హత్యలకు కారణమెవరు? విక్రమ్ కుటుంబ సభ్యులు ఏమయ్యారు? గతంలో ఊరి నుంచి తరిమేసిన మంత్రగత్తెకు ఈ హత్యలకు ఏమైనా సంబంధం ఉందా? లేదా?
నటీనటులు, ట్రెండింగ్ విశేషాలు
ఈ ఇంటెన్స్ క్రైమ్ థ్రిల్లర్ సిరీస్‌లో వాణి కపూర్‌తో పాటు సుర్వీన్ చావ్లా, వైభవ్ రాజ్ గుప్తా, శ్రియా పిల్గావ్‌కర్ వంటి ప్రముఖ నటులు నటించారు. ఆసక్తికరమైన కంటెంట్, థ్రిల్లింగ్ ఎలిమెంట్స్ పుష్కలంగా ఉండడంతో ఈ వెబ్ సిరీస్ ప్రస్తుతం నెట్‌ఫ్లిక్స్‌లో నంబర్ వన్ స్థానంలో ట్రెండ్ అవుతోంది.
ప్రతి ఎపిసోడ్‌లోనూ ఊహించని మలుపులు, క్లైమాక్స్ ట్విస్టులు ప్రేక్షకులకు మంచి థ్రిల్‌ను అందిస్తున్నాయి. ఈ నేపథ్యంలో, సిరీస్ రెండవ సీజన్ కూడా రావాలని ప్రేక్షకులు డిమాండ్ చేస్తున్నారు. అయితే, నిర్మాతల నుంచి రెండవ సీజన్ గురించి ఇంకా ఎటువంటి అధికారిక ప్రకటన రాలేదు.
సిరీస్ పేరు: మండల మర్డర్స్ (Mandala Murders)
జానర్: క్రైమ్, థ్రిల్లర్, సస్పెన్స్, హారర్, ఇన్వెస్టిగేషన్, సూపర్ నాచురల్ థ్రిల్లర్
స్ట్రీమింగ్ ప్లాట్‌ఫామ్: నెట్‌ఫ్లిక్స్ (Netflix)
స్ట్రీమింగ్ తేదీ: జూలై 25, 2025
ఎపిసోడ్‌లు: 8 ఎపిసోడ్‌లు
దర్శకత్వం: గోపి పుత్రన్, మనన్ రావత్
నిర్మాణ సంస్థ: యశ్ రాజ్ ఫిల్మ్స్ (Yash Raj Films)
నటీనటులు:
- వాణి కపూర్ (రియా థామస్ – CID అధికారి)
- సుర్వీన్ చావ్లా
- వైభవ్ రాజ్ గుప్తా (విక్రమ్ సింగ్)
- శ్రియా పిల్గావ్\u200cకర్
- జమీల్ ఖాన్
- రఘుబీర్ యాదవ్
- సిద్ధార్థ్ కపూర్
- మను రిషి చద్దా
- మోనికా చౌదరి (ఇతర కీలక పాత్రలు)
భాషలు: హిందీతో పాటు తెలుగు డబ్బింగ్‌లో కూడా అందుబాటులో ఉంది.