వర్షాకాలంలో మీ బద్ధకానికి చెక్ పెట్టే అద్భుతమైన మార్గాలు – How to Overcome Laziness
వర్షాకాలంలో చాలామందికి బద్దకం, నిద్రమత్తు మామూలే. బెడ్ వదిలి ఏ పనీ చేయబుద్ధి కావడం లేదా? అయితే కొన్ని చిన్న మార్పులతో మీరు మళ్లీ చురుగ్గా మారవచ్చు. మీ శరీరాన్ని, మనస్సును చురుగ్గా ఉంచడానికి ఇక్కడ కొన్ని చిట్కాలున్నాయి.
1. వెలుతురును పెంచండి
- వర్షాకాలంలో మబ్బుల వాతావరణం కారణంగా వెలుతురు తగ్గిపోతుంది. ఇది మీ మెదడును గందరగోళానికి గురిచేసి ఇంకా రాత్రే అని సంకేతాలు పంపుతుంది.
- దీనివల్ల నిద్రను ప్రేరేపించే మెలటోనిన్ హార్మోన్ ఎక్కువగా విడుదలవుతుంది, తద్వారా మీరు బద్ధకంగా మారతారు.
- ఈ సమస్యను అధిగమించడానికి, పగటిపూట కిటికీలు తెరిచి వెలుతురును ఇంట్లోకి రానివ్వండి.
- అవసరమైతే, పగటిపూట కూడా రూమ్ లైట్లను వేసుకోండి.
- వర్షం తగ్గిన తర్వాత, బాల్కనీలో లేదా ఇంటి పైకి వెళ్లి కొంతసేపు సూర్యరశ్మిలో గడపండి. ఇది మీ శరీరంలోని జీవ గడియారాన్ని (biological clock) సరిచేస్తుంది.
2. చిన్నపాటి వ్యాయామం
- చలిలో దుప్పటిలో పడుకోవడం సౌకర్యంగా అనిపించినా, అది మీ శరీర చురుకుదనాన్ని తగ్గిస్తుంది.
- మీరు అలసటగా అనిపిస్తే, ఇంట్లోనే కొన్ని చిన్నపాటి వ్యాయామాలు చేయండి.
- మెట్లు ఎక్కడం, ఇంటి పనులు చేయడం, తేలికపాటి స్ట్రెచింగ్, యోగా వంటివి చేయవచ్చు.
- ఫోన్‌లో మాట్లాడుకుంటూ ఇంట్లో నడవడం లేదా మీకు ఇష్టమైన పాటకు డాన్స్ చేయడం కూడా మంచిదే.
- రోజుకు కనీసం 20 నిమిషాలు శారీరక శ్రమకు కేటాయించండి. ఇది మీ శరీరాన్ని ఉత్సాహంగా ఉంచుతుంది.
3. ఆహారం విషయంలో జాగ్రత్త
- వర్షాకాలం అంటే సమోసా, పకోడీలు తినాలనిపిస్తుంది కదా? కానీ ఇవి జీర్ణం కావడానికి భారంగా ఉంటాయి.
- వీటికి బదులుగా సులభంగా జీర్ణమయ్యే ఆహారాన్ని తీసుకోండి – ఉదాహరణకు, వేపుడు కూరగాయలు, పప్పు, సూప్‌లు, పండ్లు, సలాడ్‌లు.
- శరీరం డీహైడ్రేట్ కాకుండా ఉండటానికి గోరువెచ్చని నీరు, అల్లం టీ, తులసి టీ వంటి తేలికపాటి పానీయాలు తీసుకోండి.
- ఎక్కువ చక్కెర ఉండే కూల్ డ్రింక్స్, డెజర్ట్‌లను దూరంగా ఉంచండి.
4. వాతావరణాన్ని తాజాగా ఉంచండి
- వర్షాకాలంలో కిటికీలు మూసి ఉంచినప్పుడు గదిలో గాలి ప్రవాహం తగ్గిపోతుంది. ఇది కొన్నిసార్లు విసుగును కలిగిస్తుంది.
- ఎప్పటికప్పుడు కిటికీలు తెరిచి తాజా గాలిని ఇంట్లోకి రానివ్వండి.
- సిట్రస్, పుదీనా, రోజ్మేరీ వంటి ఎసెన్షియల్ ఆయిల్స్‌ను డిఫ్యూజర్‌లో వాడడం ద్వారా మానసిక ఉల్లాసం కలుగుతుంది.
- లేదంటే, కాటన్‌పై కొన్ని చుక్కలు వేసి పీల్చినా సరిపోతుంది.
- అవసరమైతే, చల్లటి నీటితో ముఖాన్ని, చేతులను కడుక్కోవడం వల్ల తక్షణమే రిఫ్రెష్ అవుతారు.
5. నిద్ర పరిమితిని నియంత్రించండి
వర్షం పడుతుంటే ఎప్పుడైనా పడుకుని నిద్రపోవాలనిపిస్తుంది. కానీ పగటిపూట ఎక్కువగా నిద్రపోతే మీరు మరింత అలసటతో బాధపడతారు.
- రాత్రిపూట 7 నుంచి 8 గంటల నాణ్యమైన నిద్ర సరిపోతుంది.
- మీకు నిద్ర వస్తుంటే 20 నుంచి 30 నిమిషాల చిన్న కునుకు (nap) తీసుకోవచ్చు.
- అయితే, అరగంట కంటే ఎక్కువ నిద్రపోతే మీరు గాఢ నిద్రలోకి వెళ్లిపోతారు, దానివల్ల మేల్కొన్న తర్వాత మరింత బద్ధకంగా అనిపిస్తుంది.
వర్షాకాలం బద్ధకాన్ని తెచ్చినా, మనసుకు ఆహ్లాదాన్ని కూడా ఇస్తుంది. ఈ చిన్న చిట్కాలను పాటిస్తే, మీరు సోమరితనాన్ని వదిలించుకొని రోజంతా చురుగ్గా ఉండగలరు. ప్రకాశవంతమైన గది, సరైన ఆహారం, తేలికపాటి వ్యాయామం, స్వచ్ఛమైన వాతావరణం – ఇవే మీ బద్ధకానికి చెక్ పెట్టే అద్భుతమైన మార్గాలు.
Like and Share
+1
1
+1
+1