భూకంప శిథిలాల కింద 17 రోజులు – ప్రాణాలతో బయటపడ్డ మృత్యుంజయరాలు – Real Survival Stories in Telugu
భూకంప శిథిలాల కింద 17 రోజులు: వాంగ్ సుయి కథ. మృత్యువు అంచు నుండి తిరిగి లేచిన ఒక అద్భుత కథ. ఇది కేవలం ఓ కథ కాదు, బ్రతకాలనే మానవ సంకల్ప శక్తికి ఒక నిదర్శనం.
2008లో చైనాలోని సిచువాన్ ప్రావిన్స్‌ను భారీ భూకంపం కుదిపేసింది, వేల మంది ప్రాణాలను బలిగొంది. లక్షలాది మంది నిరాశ్రయులయ్యారు. ఈ భయంకరమైన విపత్తులో, వాంగ్ సుయి (Wang Shuy) అనే మహిళా, శిథిలాల కింద 17 రోజులు చిక్కుకుపోయి ప్రాణాలతో బయటపడింది.
శిథిలాల కింద నిరీక్షణ: భూకంపం వచ్చినప్పుడు, వాంగ్ సుయి తన ఇంటిలో ఉంది. కొన్ని క్షణాల్లో, ఆమె నివసిస్తున్న భవనం పేక మేడలా కూలిపోయింది. ఆమె భారీ కాంక్రీట్ శిథిలాల కింద చిక్కుకుపోయింది. ఆమె చుట్టూ చీకటి, దుమ్ము, మరియు తనతో పాటు చిక్కుకుపోయిన వారి అరుపులు, ఆ తర్వాత నిశ్శబ్దం. శిథిలాల కింద ఆమెకు అకలి, దాహం, గాయాలు, మరియు భయం వెన్నెంటే ఉన్నాయి. సహాయం వస్తుందో లేదో తెలియని పరిస్థితి. సమయం తెలియడం లేదు, నిమిషాలు యుగాలలా గడిచాయి.
ఒక్కో నీటి బొట్టు కోసం పోరాటం: వాంగ్ సుయికి ఉన్న ఏకైక ఆధారం ఆమెకు దొరికిన కొన్ని ఖాళీ ప్లాస్టిక్ సీసాలు. పైకప్పు నుండి కారుతున్న వర్షపు నీటి బొట్లను ఆమె వాటిలో సేకరించింది. ఆ నీటి చుక్కలే ఆమెకు జీవనాధారమయ్యాయి. శిథిలాల మధ్య ఉన్న దుమ్ము, చెత్త తింటూ ఆకలిని కొంతవరకు తీర్చుకుంది. తన కుటుంబం, బయటి ప్రపంచం గురించి ఆలోచిస్తూనే ఆమె బ్రతకాలి అనుకుంది.
భూకంపం వచ్చిన 17 రోజుల తర్వాత, సహాయక బృందాలు ఒక చిన్న చలనాన్ని గుర్తించాయి. ఎటువంటి ఆశలు లేని సమయంలో, వారు వాంగ్ సుయిని ప్రాణాలతో శిథిలాల నుండి బయటకు తీశారు. ఆమె తీవ్రంగా బలహీనపడి, నిర్జలీకరణానికి గురైంది. కానీ ఆమెకు స్పృహలోనే ఉంది, బ్రతికి ఉన్నందుకు దేవుడికి కృతజ్ఞతతో ఉంది.
వాంగ్ సుయి కథ మనకి ఎలాంటి కష్టతరమైన పరిస్థితుల్లోనైనా, ఆశను వదులుకోకూడదని, జీవించాలనే తపన చివరి వరకు పోరాడాలని మనకు చెప్తుంది. ఆమె బ్రతకడం ఒక అద్భుతం, మానవ సంకల్పానికి నిదర్శనం.
మంచు కొండల్లో తిండి లేకుండా 45 మంది 72 రోజులు ఎలా గడిపారు? ఎలా బ్రతికారు?